சுத்த பக்தி

  சாதுவின் செயல்பாடுகள் மத் ஆச்ரயா : கதா ம்ருஷ்டா : ச்ருண்வந்தி கதயந்தி ச தபந்தி விவிதாஸ் தாபா நைதாந் மத் கத சேதஸ : மொழிபெயர்ப்பு பரம புருஷ பகவானாகிய என்னைப் பற்றிக் கேட்பதிலும் , வழிபடுவதிலும் , நிலையாக ஈடுபட்டிருக்கும் ஸாதுக்கள் உலகத் தொல்லைகளால் துன்பப்படுவதில்லை . ஏனென்றால் , அவர்கள் எப்போதும் என் லீலைகள் மற்றும் செயல்களின் எண்ணங்களால் நிறைந்துள்ளனர் . பொருளுரை உலக இருப்பில் பல்வேறு வகைப்பட்ட துன்பங்கள் உள்ளன . உடல் மற்றும் மனதிற்குச் சம்பந்தப்பட்டவை , பிற உயிரினங்களால் சுமத்தப்படுபவை , இயற்கைத் தடுமாற்றங்களால் சுமத்தப்படுபவையாகும் . ஆனால் ஒரு ஸாது அம்மாதிரித் துன்பமான நிலையால் தடுமாறுவதில்லை . ஏனென்றால் , அவர் மனம் எப்போதும் கிருஷ்ண உணர்வால் நிறைந்துள்ளது , இவ்வாறு அவர் பகவானின் செயல்களைத் தவிர வேறு எதைப் பற்றியும் பேச விம்புவதில்லை . மஹாராஜா அம்பரீசன் பகவானின் லீலைகளைத் தவிர வேறு எதையும் பேசவில்லை . வசாம்ஸி வைகுண்ட குணானுவர்ணனே ( பாக . 9.4.18). அவர் பரம புருஷ பகவானைப் புகழ்வதில் மட்டும் தன்...

ஹரே கிருஷ்ணா.  புரட்டாசி மாத பௌர்ணமிக்கு மறுநாள் பிரதமை திதியில் தொடங்கி, அமாவாசை வரை உள்ள 15 நாட்கள் மகாளய பட்சம் அல்லது பித்ரு பட்சம் என அழைக்கப்படுகிறது. இந்த ஆண்டு மகாளய பட்ச காலம் செப்டம்பர் 26 அன்று தொடங்கி அக்டோபர் 10 அன்று நிறைவடைகிறது . நமது முன்னோர்களைக் கௌரவிக்கவும், அவர்களுக்கு நமது நன்றியைத் தெரிவிக்கவும் இந்த நேரம் ஒதுக்கப்பட்டுள்ளது. மக்கள் மறைந்த தங்கள் முன்னோர்களுக்கு அஞ்சலி செலுத்தி, அவர்களின் மோக்ஷத்திற்காகப் பிரார்த்தனை செய்யும் பதினாறு நாட்கள் கொண்ட ஒரு காலகட்டமே பித்ரு பக்ஷமாகும். முன்னோர்களுக்கு பகவான் கிருஷ்ணரின் அருளைப் பெற இந்த காலத்தில் வைதீக சடங்குகள் செய்யப்படுகின்றன. உங்கள் முன்னோர்களுக்காகப் பிரார்த்தனைகளைச் செய்து அவர்களின் ஆசீர்வாதங்களைப் பெறுங்கள். ஶ்ரீமத் பாகவதம் 7.10.22-ன் படி, தனது தந்தையான ஹிரண்யகசிபுவின் மறைவிற்குப் பிறகு, ஶ்ரீஹரியின் பக்தரான பிரகலாத மஹாராஜாவிற்கு, தனது ஆன்மீக முன்னேற்றத்திற்காகவும் நன்மைக்காகவும் ச்ராத்த சடங்கைச் செய்யுமாறு பகவான் நரசிம்மதேவர் அறிவுறுத்துகிறார். குரு த்வம் ப்ரேத-க்ருத்யானி பிது: பூதஸ்ய ஸர்வச:  மத்-அங்க...

மிதிலை நாட்டின் புகழ்பெற்ற மன்னராகவும், சீதா தேவியின் அன்பான தந்தையாகவும் திகழ்ந்தவர் ஜனக மகாராஜா. அவர் நாட்டை ஆளும் பெரிய பொறுப்பில் இருந்தாலும், உள்ளத்தால் பற்றற்ற ஒரு துறவியைப் போல வாழ்ந்து வந்தார். எல்லையில்லா அதிகாரமும் அளவற்ற செல்வமும் அவரிடம் இருந்தன; ஆனால், அவர் எப்போதும் பகவான் ஶ்ரீ ஹரியின் நினைவிலேயே மூழ்கி, தனது அனைத்து செயல்களையும் பகவானுக்கே அர்ப்பணித்து வாழ்ந்தார். ஒருநாள், சில பிராமணர்கள் ஜனகரிடம் வந்தார்கள். "மன்னரே, நாடு முழுவதையும் ஆளும் பெரிய பொறுப்பில் இருந்துகொண்டே, உங்களால் எப்படி ஆன்மீகத்தில் ஈடுபாட்டோடும், பொருட்களின் மீது பற்று இல்லாமலும் வாழ முடிகிறது?" என்று வியப்புடன் கேட்டார்கள். ஜனக மகாராஜா லேசாகப் புன்னகைத்தார். "பிராமணர்களே! நாளை என் அரண்மனைக்கு விருந்துண்ண வாருங்கள். விருந்து முடிந்ததும் உங்கள் கேள்விக்கான பதிலைச் சொல்கிறேன்," என்று அன்போடு அழைப்பு விடுத்தார். மறுநாள், பிராமணர்கள் அரண்மனைக்கு வந்தார்கள். அங்கு அவர்களுக்காக விதவிதமான, சுவையான உணவுகள் பரிமாறப்பட்டிருந்தன. அரண்மனையின் பிரம்மாண்டமான ஏற்பாடுகளைக் கண்டு பிராமணர்கள் வியப்பி...

பதம் 10 க்ரீணீஹி போ: ஃபலானீதி ஸ்ருத்வா ஸத்வரம் அச்யுத: ஃபலார்தீ தான்யம் ஆதாய யயௌ ஸர்வ-ஃபல-ப்ரத: மொழிபெயர்ப்பு ஒரு சமயம் பழ வியாபாரி ஒருத்தி, “விரஜவாசிகளே, நீங்கள் பழங்கள் வாங்க விரும்பினால் இங்கு வாருங்கள்!” என்று கூவியழைத்தாள். இதைக் கேட்ட கிருஷ்ணர், தமக்குச் சில பழங்கள் தேவைப்பட்டது போல், உடனே கொஞ்சம் தானியங்களை எடுத்துக் கொண்டு பண்டமாற்று செய்து கொள்ளச் சென்றார். பொருளுரை ஆதிகுடிமக்கள் பொதுவாக பழங்கள் விற்பதற்காக கிராமவாசிகளிடம் செல்வார்கள். அவர்கள் கிருஷ்ணரிடம் எந்த அளவுக்குப் பற்று கொண்டிருந்தனர் என்பது இங்கு விவரிக்கப்படுகிறது. கிருஷ்ணர், ஆதிகுடிமக்களுக்கு ஆதரவு காட்டுவதற்காக, உடனே பழங்களை வாங்கச் செல்வார். மற்றவர்களைப் போலவே, பண்டமாற்று செய்து கொள்ள கையில் அரிசியுடன் செல்வார். பதம் 11 ஃபல-விக்ரயிணீ தஸ்ய ச்யுத-தான்ய-கர-த்வயம்   ஃபலைர் ஆபூரயத் ரத்னை: ஃபல-பாண்டம் அபூரி ச மொயிபெயர்ப்பு கிருஷ்ணர் பழக்காரியை நோக்கிக் விரைந்து செல்லும் பொழுது. அவர் பிடித்திருந்த தானியங்களில் பெரும் பகுதி கொட்டிவிட்டது. இருபப்பினும், பழக்காரி கிருஷ்ணரின் கரங்களைப் பழங்களால் நிரப்பி...

ஶ்ரீ ஶ்ரீ ராதா-கிருஷ்ணரின் திவ்யமான ஊஞ்சல் லீலை: ஶ்ரீ ஜூலன் யாத்திரை ஶ்ரீ ஜூலன் யாத்திரை (ஊஞ்சல் சேவை) என்பது ஶ்ரீ கிருஷ்ணர் மற்றும் ஶ்ரீமதி ராதாராணியின் திவ்யமான ஊஞ்சல் லீலையைக் கொண்டாடும், உலகெங்கிலும் உள்ள வைஷ்ணவர்களால் மிகவும் கோலாகலமாகக் கொண்டாடப்படும் ஒரு மங்களகரமான திருவிழாவாகும். இந்த ஜூலன் உத்ஸவம், கீர்த்தனம், ஊஞ்சல் சேவை மற்றும் ஶ்ருங்கார சேவை ஆகியவற்றின் மூலமாகத் தங்களது பக்தித் தொண்டைச் சமர்ப்பிக்க பக்தர்களுக்கு ஒரு பொன்னான வாய்ப்பை வழங்குகிறது. ஜூலன் யாத்திரை: காலம் மற்றும் நாட்கள் ஜூலன் யாத்திரை, பவித்ரோபனா ஏகாதசியில் தொடங்கி, பலராம பூர்ணிமா அல்லது ஶ்ராவண பூர்ணிமா நாளில் நிறைவடைந்து, 5 நாட்கள் வரை நடைபெறுகிறது. ஶ்ரீ பிருந்தாவன தாமத்தில் பாரம்பரியமாக ஜூலன் யாத்திரை 13 நாட்கள் வரை சிறப்பாகக் கொண்டாடப்படுகிறது. ஜூலன் யாத்திரை: பொருள், தோற்றம் மற்றும் பின்னணி லீலை பொருள்: ‘ஜூலன்’ என்பது ஊஞ்சலையும், ‘யாத்திரை’ என்பது ஊர்வலம்/திருவிழாவையும் குறிப்பதால், இது 'ஊஞ்சல் திருவிழா' எனப் பொருளாகிறது; பக்தர்கள் மலர்களாலும் இலைகளாலும் அலங்கரிக்கப்பட்ட மர ஊஞ்சலில் ஶ்ரீ ஶ்ரீ ராதா-...

ஹரே கிருஷ்ண, ஹரே கிருஷ்ண, கிருஷ்ண கிருஷ்ண, ஹரே ஹரே” ஹரே ராம, ஹரே ராம, ராம ராம, ஹரே ஹரே. இது எல்லை கடந்த ஒலி அதிர்வு. மனக்கண்ணாடியில் படிந்திருக்கும் மாசைத் துடைக்க நமக்கு உதவுவது. நியூயார்க் நகரின் இரண்டாவது சாலையில் நெருக்கமான வாகனப் போக்குவரத்து காரணமாக எல்லாப் பொருட்களின் மீதும் தூசியும் புகைக் கரியும் படிந்திருப்பது போல் நம் மனக் கண்ணாடியின் மீதும் உலக வாழ்வு சார்பான அழுக்கைப் படிய விட்டிருக்கிறோம். இவ்வுலகில் நம் நடவடிக்கைகளை நாம் கையாளும் விதம் காரணமாக நம் மனமெனும் தெளிவான கண்ணாடியில் பெருமளவில் தூசி சேர்ந்து அதன் விளைவாக நம்மால் எதையும் சரியான வடிவில் பார்க்க முடிவதில்லை. இந்த எல்லை கடந்த ஒலி அதிர்வு (ஹரே கிருஷ்ண மந்திரம்) தூசியை அகற்றி நம் உண்மையான அமைப்பிலான நிலையில் நம்மை நாம் தெளிவாகக் காண உதவுகிறது. “நான் இந்த உடலில்லை; நான் ஆன்மா, உணர்வு என் சின்னம்” என்று நாம் இருத்திக் கொள்ள முடிகிறது. ஹரே கிருஷ்ண மந்திரத்தை உச்சாடனம் செய்யும் போது நம் உணர்வு தெளிவு பெற்று இவ்வுலக இன்னல்களெல்லாம் மறைந்து போகின்றன. இந்த இகவுலகை எப்போதும் எரித்துவரும் தீ ஒன்றுண்டு; அதை அணைக்க எல்லோரும் முய...

பிருந்தாவனம்—பகவான் ஸ்ரீ கிருஷ்ணரின் திவ்ய லீலைகள் நிறைந்த புனித பூமி. காற்றில் ராதா நாமமும், யமுனையின் அலைகளில் பிரேமையும் வழிந்தோடும் அத்தலத்தில், பகவத் பக்தியில் திளைத்த ஒரு சாதகன் வாழ்ந்து வந்தான். அவனுக்குள் ஆன்மீகத் தீக்ஷை பெற வேண்டும் என்ற ஆர்வம் தீயாக எரிந்தது. அதற்காக, பிருந்தாவனத்தின் தவப்புதல்வரான ஒரு உத்தம கௌடீய வைஷ்ணவ குருதேவரின் சந்நிதியை அடைந்தான். அவரது திருவடிகளில் விழுந்து வணங்கி, கைகூப்பி மிகுந்த பணிவோடு வேண்டினான்: "என் குருதேவரே! உங்களை நான் என் ஆன்மீக வழிகாட்டியாக மனதார ஏற்றுக்கொண்டுவிட்டேன். இந்த எளியவன் மீது கருணை கூர்ந்து, எனக்குத் தீக்ஷை வழங்கி ஆசீர்வதிக்க வேண்டும்." சீடனின் ஆசையைக் கேட்ட குருதேவர், மெல்லிய புன்னகையோடு அவனை நோக்கினார்: "மகனே! தீக்ஷை என்பது வெறும் சடங்கல்ல, அது ஆன்மாவின் மறுபிறப்பு. என்னிடமிருந்து அதைப் பெறுவதற்கு உன்னிடம் என்ன தகுதி இருக்கிறது?" சாதகன் சற்றே தயங்கி, "குருவே, தகுதி என்று நீங்கள் குறிப்பிடுவது எதை? என்னிடமிருந்து எத்தகைய உயர்வை எதிர்பார்க்கிறீர்கள்?" என்றான். குருதேவர் அமைதியாகக் கூறினார்: "சர...