சித்திரையில் மலரும் புத்தாண்டும் கேசவ விரத மகிமையும் சூரியன் மேஷ ராசியில் பிரவேசிக்கும் இந்த மாதமே பாரதப் பஞ்சாங்கங்களின்படி பல இடங்களில் புத்தாண்டுத் தொடக்கமாகக் கொண்டாடப்படுகிறது. இத்தகைய மங்கலகரமான வேளையில்தான் கேசவ விரதம் ஆரம்பமாகிறது. ஒரு மாதம் முழுவதும் நீடிக்கும் இந்த விரத காலத்தில், ஐம்புலன்களையும் அடக்கி நல்வழியில் செலுத்துவதும், தரையில் படுத்து உறங்குவதும் அவசியமாகும். விரத முறைகள் இந்த விரதத்தை மேற்கொள்பவர்கள் தினமும் காலை, மாலை என இருவேளைகளும் நதியில் நீராடி பகவானை வழிபட வேண்டும். மேலும் ஆடை, வெல்லம், எள், அரிசி மற்றும் பொன் ஆகியவற்றை அந்தணர்களுக்குத் தானமாக வழங்க வேண்டும். இந்த மாதத்தில் மதுசூதனனை பக்திப்பரவசத்துடன் வழிபடுபவர்களுக்கு, ஒரு முழு ஆண்டு முழுவதும் பகவானை வழிபட்டதற்கான புண்ணிய பலன் கிட்டும் என்பது ஐதீகம். ஜலதாரை வழிபாடு கேசவ விரதத்தின் போது, சிறிய துளைகளிடப்பட்ட ஒரு பாத்திரத்தில் நீரை நிரப்பி, அதனைத் துளசிச் செடி மற்றும் சாலக்கிராமத் திருமேனியின் மீது ஜலதாரையாக (நீர் சொட்டுமாறு) அமைக்கலாம். கோடைக் காலம் நிலவுவதால், கடும் வெப்பத்திலிருந்து குளிர்ச்...
