யுதிஷ்டிர மகாராஜன், “அஜித” அல்லது தவறாதவரான பகவானின் பாதுகாப்பில் இருப்பதால், மேலே குறிப்பிட்டிருப்பதுபோல், பகவானின் செல்வங்களான, நதிகள், சமுத்திரங்கள், மலைகள், காடுகள் முதலான அனைத்தும் திருப்தியடைந்து, அதன் உற்பத்திப் பொருட்களை வரியாக அரசருக்கு அளித்து வந்தன. பரம புருஷரின் பாதுகாப்பின் கீழ் புகலிடம் தேடுவதுதான் வெற்றியின் இரகசியமாகும். அவரது அனுமதியின்றி எதுவும் சாத்தியமாகாது. கருவி மற்றும் இயந்திரங்களின் பலத்தைக் கொண்டு நமது சொந்த முயற்சியால் பொருளாதாரத்தை உயர்த்துவது அனைத்தும் ஆகிவிடாது. பரம புருஷரின் அனுமதி இருக்க வேண்டும். இல்லையெனில் பல்வேறு கருவிகளின் உதவி இருந்தபோதிலும், அனைத்தும் தோல்வியாகவே முடியும். வெற்றிக்கு முடிவான காரணமாக இருப்பவர் “தைவ”, பரம புருஷராவார். பரம புருஷரின் பிரதிநிதியாக இருந்து, பொதுமக்களின் நலனை கவனித்துக் கொள்ள வேண்டியது அரசரின் கடமை என்பதை யுதிஷ்டிர மகாராஜனைப் போன்ற அரசர்கள் நன்கறிவர். உண்மையில் நாடு பரம புருஷருக்குச் சொந்தமாகும். நதிகள், சமுத்திரங்கள், காடுகள், மலைகள் மற்றும் மூலிகைகள் போன்றவை மனிதனால் உண்டாக்கப்பட்டவை அல்ல. அவை பகவானின் படைப்புகளாகும். ம...

  1972-ஆம் ஆண்டு நியூ விருந்தாவனில் நடைபெற்ற நியூயார்க் டைம்ஸ் உடனான நேர்காணலின் ஒரு பகுதி ஜான் நார்ட்ஹைமர்: கிருஷ்ண உணர்வில் பெண்களின் பங்களிப்பு என்ன? ஸ்ரீல  பிரபுபாதர்: ஆண்களுக்கும் பெண்களுக்கும் இடையே பாகுபாடு ஏதுமில்லை. ஜான் நார்ட்ஹைமர்: பெண்களுக்கென்று இயல்பான சில சுபாவங்கள்  இருப்பதாகவும், அவை ஆண்களின் சுபாவங்களிலிருந்து அவர்களைப் பிரித்துக் காட்டுவதாகவும் நான் தொடர்ந்து கேள்விப்படுகிறேனே. ஸ்ரீல  பிரபுபாதர்: ஆம், கணவனாக வேண்டியது ஒரு ஆணின் கடமை, மனைவியாக வேண்டியது ஒரு பெண்ணின் கடமை; எனவே, இந்தச் சுபாவங்கள் அங்கே இருக்கின்றன. ஆனால் இவை அனைத்தையும் சரிசெய்ய முடியும். என்னிடம் சீடர்கள் பலர் உள்ளனர், நான் அவர்களுக்குத் திருமணம் செய்து வைக்கிறேன், அவர்கள் அமைதியாக வாழ்ந்து கிருஷ்ண உணர்வில் முன்னேறி வருகின்றனர். அனைவரும் பிரம்மச்சாரிகளாக இருக்க வேண்டும் என்பதில்லை. எங்களிடம் பல கிருஹஸ்தர்களும் (இல்லறத்தார்கள்) குழந்தைகளும் உள்ளனர். இவ்வாறாக, ஒரு பெண்ணின் சுபாவங்களும் ஓர் ஆணின் சுபாவங்களும் நெறிப்படுத்தப்படுகின்றன. ஒரு ஆணுக்குப் பெண் தேவைப்படுகிறாள், ஒரு பெண்ணுக்...

ஆன்மீகப் பாதையில் பயணிக்கும் ஒவ்வொரு சாதகனுக்கும் எழும் மிகப்பெரிய கேள்வி 'மாயை' என்றால் என்ன என்பதுதான். கண்ணுக்குத் தெரிந்து நம்மைக் கட்டிப்போடும் இந்த உலகம் உண்மையா அல்லது இது இறைவனின் விளையாட்டா? அறிவுக்கடலான நாரத முனிவருக்கே இந்த சந்தேகம் வந்தபோது, ஜகந்நாதனாகிய கிருஷ்ணர் அவருக்கு ஒரு நேரடிப் பாடத்தைக் கற்பித்தார். காலம், உறவு, பந்தம் என அனைத்தும் ஒரு கணத்தில் தோன்றி மறையும் தன்மையுடையது என்பதை உணர்த்தும் நாரதரின் அந்தப் பரவசமான அனுபவத்தைப் பின்வரும் பிரம்ம வைவர்த்த புராணம் கதை விரிவாக விளக்குகிறது. நாரதரின் விருப்பம் பகவானின் மாயை என்பது வெறும் ‘சூனியம்’ அல்ல; அது அவரது அசிந்திய சக்தியின் ஒரு அங்கமாகும். நாரத முனிவரின் வாழ்வில் நடந்த ஒரு வரலாற்று நிகழ்வு, இந்த மாயையின் வலிமையையும், அதிலிருந்து விடுபட ‘சரணாகதி’ ஒன்றே வழி என்பதையும் நமக்குத் தெளிவுபடுத்துகிறது. ஒருமுறை தேவர்ஷி நாரதர், தேவாதி தேவனான ஜகந்நாதன் கிருஷ்ணரை வணங்கி, "மாதவா! உமது மாயையை நான் காண விழைகிறேன். எதனால் இந்த அகிலமே மயங்குகிறதோ, அந்த மகா மாயையை எனக்குக் காண்பியுங்கள்" என்று வேண்டினார். அதற்குப் ப...

வைஷ்ணவர்களில் சிறந்தவராகவும் (வைஷ்ணவானாம் யதா ஷம்பு), மகா ராசலீலை மண்டபத்தின் காவலராகவும் விளங்கும் கோபேஷ்வர் மகாதேவரின் தாமரை பாதங்களில் நமது சிரம் தாழ்ந்த வணக்கங்களைச் சமர்ப்பிக்கின்றோம். பகவான் ஸ்ரீ கிருஷ்ணரின் உன்னதமான மகா ராசலீலையில் நாம் நுழைவதற்குப் பெருங்கருணையுடன் அனுமதி வழங்குபவர் அவரே. விருந்தாவனம்  என்றாலே அது பகவான் ஸ்ரீ கிருஷ்ணரின் நித்திய லீலைகள் நடைபெறும் இடமாகும். அங்கே யமுனை நதிக்கரையில், அதீத புனிதம் வாய்ந்த 'வம்சி வடம்' பகுதியில்  கோபேஷ்வர் மகாதேவர்  திருக்கோவில் அமைந்துள்ளது.  "வைஷ்ணவானாம் யதா ஷம்பு" — வைஷ்ணவர்களில் சிறந்தவர் சிவபெருமான். அந்த மகாதேவன், கிருஷ்ண பிரேமையைப் பெறுவதற்காக ஒரு கோபியின் உணர்வில் (பவத்தில்) வீற்றிருக்கும் இடமே இத்தலமாகும். ஆலயத்தின் மேன்மையும் தத்துவமும் விருந்தாவனத்தின் மிகத்தொன்மையான இந்த ஆலயத்தில், சிவபெருமான் சிவலிங்க வடிவில் இருந்தாலும், மாலையில் அவர் கோபி வேடத்தில் அலங்கரிக்கப்படுகிறார். இது வெறும் சடங்கல்ல; மாறாக, பகவான் கிருஷ்ணரின் அந்தரங்க லீலைகளில் பங்கேற்க ஜட உடலோ அல்லது அகங்காரமோ தடையாக இருக்கக்கூடாது ...

நந்தி தேவர்:  பகவான் கிருஷ்ணரின் அம்சமான சிவ வாகனம் பிரம்ம வைவர்த்த புராணம், கிருஷ்ண ஜன்ம கண்டம் (அத்தியாயம் 36) - ஒரு தொகுப்பு சிவபெருமானின் வாகனமாகத் திகழும் நந்தி தேவரின் மர்மமான தோற்றம் குறித்து பிரம்ம வைவர்த்த புராணம் விரிவாக விளக்குகிறது. பிரம்ம கண்டத்தின் ஐந்தாவது அத்தியாயத்தில், ஸ்ரீமதி ராதாராணி கிருஷ்ணரின் இடது பாகத்திலிருந்து தோன்றியபோது, அவருடன் கோடிக்கணக்கான கோபிகைகளும் கோபர்களும் உருவானதாகக் கூறப்பட்டுள்ளது. அந்தத் தருணத்தில், கிருஷ்ணரின் திருமேனியிலிருந்து உன்னத வகை சுரபிப் பசுக்களும், காமதேனுக்களும், பலம் பொருந்திய காளைகளும் தோன்றின. அப்போது, பத்து கோடி சிங்கங்களுக்கு இணையான வலிமை கொண்ட ஒரு அழகான காளையை, சிவபெருமான் ஏறிச் செல்வதற்காகக் கிருஷ்ணர் பரிசாக அளித்தார். பகவானின் திருமேனியிலிருந்து வெளிப்பட்டதால், நந்தி தேவர் கிருஷ்ணரின் அம்சம் அல்லது விரிவாகவே கருதப்படுகிறார். இக்கருத்தை உறுதிப்படுத்தும் மற்றொரு வரலாறு கிருஷ்ண ஜன்ம கண்டத்தின் 36-வது அத்தியாயத்தில் (பாடல்கள் 42 முதல் 57 வரை) பின்வருமாறு விவரிக்கப்பட்டுள்ளது: பிரம்ம வைவர்த்த புராணம் - கிருஷ்ண-ஜன்ம-கண்டம்...

சிவனின் நாம பஜனம் அகில உலக கிருஷ்ண பக்தி இயக்கத்தின் ஸ்தாபக ஆச்சார்யரான  ஏ.சி. பக்திவேதாந்த சுவாமி பிரபுபாதா, 'பக்தி ரசாமிர்த சிந்து' என்னும் நூலின் நாற்பத்தி மூன்றாம் அத்தியாயத்தில், கிருஷ்ண நாமத்தைக் கேட்பதில் சிவபெருமானுக்கு இருக்கும் அளவற்ற ஈடுபாட்டைப் பின்வருமாறு விவரிக்கிறார்: மாமுனிவர் நாரதர் எம்பெருமானின் புகழைப் பாடிக்கொண்டிருந்தபோது, அதைக் கேட்டு மெய்மறந்த சிவபெருமானின் கழுத்தில் இருந்த நீல நிறக் கோடு மறைந்து போயிற்று. இதைக் கண்ட அவருடைய மனைவி கௌரி தேவி, தன் கணவருக்குப் பதில் வேறு யாரோ உருமாறி வந்திருப்பதாக ஐயமுற்று, அச்சத்தினால் உடனடியாக அவ்விடத்தை விட்டு அகன்றார். சிவபெருமானைத் திருமணம் புரியப் பணித்த கிருஷ்ணன் சிவபெருமான் கிருஷ்ண நாமத்தைக் கேட்பதில் ஆர்வம் கொண்டவர் என்பது மட்டுமல்லாமல், அதைத் தியானிப்பதிலும் மிகுந்த ஈடுபாடு கொண்டவர். இந்த உண்மை பல்வேறு வேத இலக்கியங்களில் விளக்கப்பட்டுள்ளது. பிரம்ம வைவர்த்த புராணத்தில் (1.6.4-16) கிருஷ்ணருக்கும் சிவபெருமானுக்கும் இடையே நடந்த உரையாடல் இவ்வாறு விவரிக்கப்படுகிறது: யோகிகளுள் சிறந்தவராகப் போற்றப்படும் சிவபெருமானை ஒருமுறை...